HENRYON.

၁၈ ဘီလီယံဆိုတာ ဘာမဆိုလုပ်လို့ရတဲ့ပမာဏပါ💸

ဒါပေမဲ့ Airbnb လို ကုမ္ပဏီကြီးတစ်ခုတောင်မှ ၂၀၂၀ ကပ်ရောဂါစဖြစ်တဲ့အချိန်မှာ လုပ်ငန်းပျက်ခါနီး အခြေအနေအထိ ဆိုက်ရောက်ခဲ့ဖူးပါတယ်။

ဝင်ငွေ ၈၀% လောက် ချက်ချင်းထိုးကျသွားတဲ့အချိန်မှာ သူတို့ရွေးချယ်ခဲ့တဲ့အဖြေက ပိုက်ဆံပုံအောပြီး ဖြေရှင်းတာမဟုတ်ဘဲ၊ လုပ်ငန်းတစ်ခုလုံးကို အမြစ်ကနေ လှန်ပြီး ပြောင်းလဲပစ်လိုက်တာပါ။ 📉

ဒါကတော့ ငွေကြေးအင်အားထက် ဗျူဟာက ပိုအရေးကြီးကြောင်း သက်သေပြခဲ့တဲ့ Airbnb ရဲ့ Marketing သင်ခန်းစာ ဖြစ်ပါတယ်။

– – – – – –

🛑 ပြဿနာရဲ့ အစ (၂၀၂၀ မတ်လ)

Covid ကြောင့် ကမ္ဘာ့ခရီးသွားလုပ်ငန်း ရပ်တန့်သွားတဲ့အခါ Airbnb ရဲ့ အဓိကဈေးကွက် ပျောက်ဆုံးသွားပါတယ်။ ဒါဟာ ရိုးရိုး Marketing ပြဿနာ မဟုတ်တော့ဘဲ ကုမ္ပဏီ ရှင်သန်ရပ်တည်ရေး ပြဿနာ (Business Continuity Problem) ဖြစ်လာပါတယ်။

ပုံမှန်ဆို ကုမ္ပဏီတွေက ရောင်းအားကျရင် ကြော်ငြာ (Ads) ပိုပစ်ကြ၊ Promotion တွေ ပိုလုပ်ကြတာ ထုံးစံပါပဲ။ ဒါပေမဲ့ Airbnb ကတော့ ပြောင်းပြန် လုပ်ခဲ့ပါတယ်။ 🤯

– – – – – – –

“လူတွေမထင်ထားတဲ့ ဆုံးဖြတ်ချက် ၃ ခု”

(A) Performance Marketing (Paid Ads) တွေကို လုံးဝနီးပါး ရပ်လိုက်တယ် ✂️

ဘီလီယံနဲ့ချီ သုံးနေတဲ့ ကြော်ငြာစရိတ်တွေကို ဖြတ်ချလိုက်တယ်။ ဘာလို့လဲဆိုတော့ သူတို့ လက်ခံထားတဲ့ အချက်က –

“ကြော်ငြာရပ်လိုက်လို့ လူမလာတော့ဘူးဆိုရင် အဲ့ဒါ ကိုယ့် Brand ကို တကယ်ကြိုက်လို့ လာတာမဟုတ်ဘူး။ ကြော်ငြာကြောင့် ရောက်လာတဲ့ ယာယီဧည့်သည် (Rented Demand) ပဲ ဖြစ်တယ်” 🚫

(B) ကြော်ငြာကို မပြောင်းဘူး၊ Product ကို ပြောင်းလိုက်တယ် 🔄

လူတွေ ခရီးမထွက်နိုင်တော့တဲ့အခြေအနေမှာ “ကမ္ဘာပတ်ပြီး ခရီးထွက်ပါ” ဆိုတဲ့ ပုံစံကနေ “ဘယ်နေရာမှာမဆို နေထိုင်ပါ (Live Anywhere)” ဆိုတဲ့ ပုံစံကို ပြောင်းလိုက်ပါတယ်။

🏡 ပြည်တွင်းခရီးစဉ်တွေ (Domestic Travel)

🗓️ ၁ လ ကနေ ၆ လ အထိ နေလို့ရမယ့် Long-term stays တွေ

💻 Work from home လုပ်မယ့်သူတွေအတွက် အဆင်ပြေမယ့် နေရာတွေ

Marketing က ဦးဆောင်တာ မဟုတ်ဘဲ၊ လူတွေရဲ့ ပြောင်းလဲသွားတဲ့ နေထိုင်မှုပုံစံ (Product Reality) က ဦးဆောင်ပြီး Marketing က လိုက်လုပ်ရတဲ့ သဘောပါ။

(C) Brand ကို ယုံကြည်မှု (Trust) အပေါ်မှာ ပြန်တည်ဆောက်တယ် 🤝

Promotion တွေ အော်နေမယ့်အစား Host (အိမ်ရှင်) တွေရဲ့ အကြောင်း၊ လူမှုအသိုင်းအဝိုင်း (Community) အကြောင်းတွေကို ပိုပြောလာတယ်။ Brand ဆိုတာ အရောင်းမြှင့်ဖို့ သက်သက်မဟုတ်ဘဲ ယုံကြည်မှု တည်ဆောက်ဖို့ ဖြစ်လာပါတယ်။ ❤️

– – – – – – –

🚀ရလဒ် (The Outcome)

ဒီဆုံးဖြတ်ချက်တွေကြောင့် Airbnb ဟာ မျှော်မှန်းထားတာထက် ပိုမြန်မြန် အမြတ်ပြန်ရလာပြီး ၂၀၂၀ နှောင်းပိုင်းမှာပဲ အောင်မြင်စွာ IPO တင်နိုင်ခဲ့ပါတယ်။ အရေးကြီးဆုံးကတော့ Paid Ads ပေါ် မှီခိုရတာ လျော့သွားပြီး ကုမ္ပဏီက အရင်ကထက် ပိုပြီး ကျစ်လစ်ခိုင်မာသွားပါတယ်။ ✅

– – – – – – –

💡ကိုယ့်လုပ်ငန်းအတွက် ဘာသင်ယူမလဲ?

🧠 Growth = Ad Spend မဟုတ်ပါဘူး

ကြော်ငြာခ များများသုံးမှ လုပ်ငန်းကြီးထွားမယ်လို့ မတွေးပါနဲ့။ Growth ဆိုတာ ကောင်းမွန်တဲ့ Product နဲ့ ခိုင်မာတဲ့ Brand ပေါင်းစပ်မှုကနေ လာတာပါ။

🧠 Crisis = Repositioning

အကျပ်အတည်းကြုံရင် Discount ပေးဖို့ပဲ မစဉ်းစားပါနဲ့။ ကိုယ့် Product က လက်ရှိ ကာလနဲ့ ကိုက်ညီမှု ရှိမရှိ ပြန်သုံးသပ်ပါ။

လိုအပ်ရင် ပုံစံပြောင်းပစ်ဖို့ (Pivot လုပ်ဖို့) ဝန်မလေးပါနဲ့။

ကိုယ့်လုပ်ငန်းမှာရော Paid Ads တွေကို ရပ်လိုက်ရင် ဝယ်မယ့်သူ ကျန်နေဦးမလား?

ဒီမေးခွန်းက ကိုယ့် Brand ဘယ်လောက် ခိုင်မာလဲဆိုတာကို အဖြေပေးပါလိမ့်မယ်။